2019 yil oxirida Samarqand iqtisodiyot va servis instituti “Buxgalteriya hisobi va audit” kafedrasi mudiri i.f.d., prof. K.B.Urazovning “Boshqa tarmoqlarda buxgalteriya hisobining xususiyatlari” nomli darsligi dunyo yuzini ko’rdi.
Darslik, iqtisodiyotning qurilish, avtotransport, savdo, umumiy ovqatlanish va qishloq xo’jaligi kabi muhim tarmoqlari va sohalarida buxgalteriya hisobining xususiyatlari respublikamizning qonunlari va milliy standartlariga oxirgi yillarda kiritilgan o’zgarishlarga asoslangan holda yoritilgan.
Shuningdek, “Buxgalteriya hisobi va audit” kafedrasi dotsenti S.N.Tashnazarovning “Moliyaviy hisobotning xalqaro standartlari” nomli darsligining chop etilishi ham kafedraning ilmiy yutuqlaridan biridir.
Ushbu darslik, moliyaviy hisobotning xalqaro standartlari fanining o’quv dasturiga muvofiq tayyorlangan. Unda, moliyaviy hisobotning yaratilish tarixi, xalqaro moliyaviy hisobotni tayyorlashning konseptual asoslari, moliyaviy hisobotning xalqaro standartlarining (MHXS) mohiyati va qo’llanilishi, shuningdek, MHXS bo’yicha moliyaviy hisobot konsolidotsiyasi va transformatsiyasi masalalari yoritilgan.
Ushbu yutuq bilan ustozlarimizni tabriklaymiz va kelgusi ilmiy izlanishlari hamda hayot faoliyatlarida muvoffaqiyatlar tilab qolamiz!!!
